21.07.2025-ci il tarixində Laçın şəhərində yerləşən Yurd Qalereyasında gənc və istedadlı rəssam Fuad Musayevin fərdi sərgisində iştirak etdik. Onun əsərləri təkcə fırçanın gücünü deyil, həm də vətənə olan sevginin təzahürünü nümayiş etdirirdi.
Unutmamalıyıq ki, fiziki imkanları məhdud istedadlı gənclərə dəstək olmaq, onları motivasiya etmək, valideynlərinə dayaq durmaq və bu gəncləri cəmiyyətimizə qazandırmaq hər birimizin insani borcudur.👐 Onların cəmiyyətə inteqrasiyası – bizim güclü gələcəyimizin təməlidir!
Regional Hüquqi və İqtisadi Maarifləndirmə İctimai Birliyi olaraq bu incəsənət bayramının bir parçası olmaqdan böyük qürur və sevinc hissi keçirdik.
Laçına səfər zamanı şəhərdə aparılan quruculuq və abadlıq işlərinə heyran olduq. Qayıdışın, inkişafın və dirçəlişin canlı şahidi olmaq böyük xoşbəxtlikdir.Bu gözəlliyi bizə yaşatdığı üçün Möhtərəm Prezidentimizə dərin təşəkkürümüzü və minnətdarlığımızı bildiririk.
Bütün bunları bizə yaşadan Şəhidlərimizə Allahdan rəhmət, Qazilərimizə isə möhkəm can sağlığı arzulayırıq. Onların qəhrəmanlığı sayəsində bu gün doğma torpaqlarımızda sənət, ümid və gələcək var!
