Milli Məclisin İctimai birliklər və dini qurumlar komitəsinin sədri Dr. Fazil Mustafanın Regional Hüquqi və İqtisadi Maarifləndirmə İctimai Birliyinin sədri Arzu Bağırovanı yubileyi münasibətilə təbrik etməsi təşkilatımız üçün böyük mənəvi dəyər daşıyır.
Bu diqqət və ehtiram vətəndaş cəmiyyətinin inkişafına, maarifləndirmə sahəsində göstərilən səmərəli fəaliyyətə verilən yüksək qiymətin təzahürüdür.
Regional Hüquqi və İqtisadi Maarifləndirmə İctimai Birliyi olaraq, göstərilən bu səmimi münasibətə və yüksək dəyərləndirməyə görə Komitə sədri Fazil Mustafaya, komitənin bütün üzvlərinə, əməkdaşlarına minnətdarlığımızı bildiririk.
Bu cür diqqət və dəstək bizi daha böyük məsuliyyətlə çalışmağa, cəmiyyətə xidmət yolunda fəaliyyətimizi daha da genişləndirməyə ruhlandırır.
