Regional Hüquqi və İqtisadi Maarifləndirmə İctimai Birliyinin sədri Arzu Bağırova, Masallı rayonu Ərkivan kəndində torpaq, Vətən uğrunda canını fəda etmiş igidlərimizin məzarını ziyarət edib.
Mayor Anar Novruzov
Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən Anar Novruzov ölümündən sonra 3-cü dərəcəli “Vətənə xidmətə görə” ordeni ilə təltif edildi.
Xüsusi təyinatlı baş leytenant Şirəliyev Sahib
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Sahib Şirəliyev ölümündən sonra “Xocavəndin azad olunmasına görə” medalı ilə təltif edildi.
Əsgər Zöhrabov İlkin
Hələ sağ olarkən ölkə rəhbərinin 2020-ci il 29 dekabr tarixli sərəncamı ilə İlkin Zöhrabov “Kəlbəcərin azad olunmasına görə” medalı ilə təltif edilmişdir.
Əsgər Seyfullayev Sənan
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Sənan Seyfullayev ölümündən sonra “Cəbrayılın azad olunmasına görə” medalı ilə təltif edildi.
Rhim İb sədri Arzu Bağırova Ərkivan şəhidlərinin məzarlarını ziyarət edərək, onların əziz xatirəsini ehtiramla yad etdi.
Bu səfər bir daha göstərdi ki, şəhidlərimizin qəhrəmanlığı xalqımızın yaddaşında əbədi yaşayır. Onların ruhu qarşısında baş əyir, ailələrinə dərin minnətdarlığımızı bildiririk.
Vətən sağ olsun!
